Refugee Survey 2025
We are carrying out a Refugee Survey this year, to help the Government better understand the experiences of former refugees and their families. Data collected from the survey will help us to improve the experience of refugees resettling in New Zealand in the future.
နယူးဇီလန် လူဝင်မှုကြီးကြပ်ရေးဌာန (INZ) သည် ဒုက္ခသည်ဟောင်းများနှင့် ၎င်းတို့၏ မိသားစုများ၏ အတွေ့အကြုံများကို အစိုးရမှ ပိုမိုနားလည်နိုင်ရန်အတွက် ယခုနှစ်တွင် ဒုက္ခသည်စစ်တမ်းတစ်ခုကို ဆောင်ရွက်နေပါသည်။ ဒုက္ခသည်ဟောင်းများ မည်သို့အခြေချနေထိုင်သည် (ဥပမာ-အလုပ်အကိုင်ရရှိသူအရေအတွက်၊ အရည်အချင်းအဆင့်များ စသည်) ကို ပြောပြနိုင်သည့် အချက်အလက်အချို့ ရှိနေသော်လည်း ဒုက္ခသည်များ၏ ကိုယ်ပိုင်အတွေ့အကြုံများနှင့်ပတ်သက်သည့် အချက်အလက်များ ကျွန်ုပ်တို့တွင် မရှိသေးပါ။ စစ်တမ်းအတွင်း ကောက်ယူသော အချက်အလက်များက နောင်တွင် နယူးဇီလန်သို့ ပြန်လည်အခြေချနေထိုင်သော ဒုက္ခသည်များ၏ ဘဝတိုးတက်အောင် ပြုလုပ်ရာတွင် အကူအညီဖြစ်စေပါမည်။
ဤစစ်တမ်းသည် နယူးဇီလန်နိုင်ငံ၌ လွန်ခဲ့သောငါးနှစ်အတွင်း အခြေချနေထိုင်ခဲ့ကြသော အောက်ဖော်ပြပါ အမျိုးအစားများအောက်မှ ဒုက္ခသည်ဟောင်းများနှင့် ၎င်းတို့၏ မိသားစုဝင်များ (အသက် ၁၆ နှစ်နှင့်အထက်) အတွက် ဖြစ်ပါသည်-
- ဒုက္ခသည် ခွဲတမ်း
- ဒုက္ခသည်မိသားစု ထောက်ပံ့ကူညီရေးအမျိုးအစား
- လူမှုအသိုင်းအဝိုင်းအဖွဲ့အစည်း ဒုက္ခသည်ထောက်ပံ့မှု
- အာဖဂန် ကယ်ဆယ်ခံရသူများနှင့် စကားပြန်များ
- ကွန်ဗေးရှင်းသဘောတူညီချက်အရ ဒုက္ခသည်များ (လွန်ခဲ့သော ငါးနှစ်အတွင်း ခွင့်ပြုထားခဲ့သော)
ဤအကြိမ်သည် ကျွန်ုပ်တို့အနေဖြင့် ဒုက္ခသည်စစ်တမ်းကို ပထမဆုံးအကြိမ် ကောက်ယူခြင်း ဖြစ်ပါသည်။ ယခုနှစ် စစ်တမ်းတွင် နယ်ပယ်သုံးခု (ပညာရေး၊ အလုပ်အကိုင်နှင့် လူမှုအဖွဲ့အစည်းတွင် ပါဝင်မှု) ကို အဓိကထားမည်ဖြစ်ပြီး ဘာသာစကား ၁၃ မျိုးဖြင့် အွန်လိုင်းမှတစ်ဆင့် ပြုလုပ်သွားပါမည်။
သင့်အသံက အရေးကြီးပါသည်၊ စစ်တမ်းကို ဖြေဆိုပေးသည့် ဒုက္ခသည်ဟောင်းနှင့် ၎င်းတို့၏မိသားစုဝင် များလေလေ၊ ကျွန်ုပ်တို့၏ အချက်အလက်များမှာ ပိုမိုကောင်းမွန်လေလေဖြစ်ပြီး၊ နောင်လာမည့် လူအုပ်စုများအတွက် အတွေ့အကြုံများ တိုးတက်ကောင်းမွန်အောင် ကျွန်ုပ်တို့ ပိုမိုလုပ်ဆောင်နိုင်မည်ဖြစ်ပါသည်။ လူများများဖြေဆိုနိုင်စေရန်အတွက် သင့်အနေဖြင့် ဤစစ်တမ်းအကြောင်းကို ဖြန့်ဝေပေးခြင်းဖြင့် ကူညီပေးရန် တိုက်တွန်းပါသည်။
ပါဝင်ခြင်းသည် ဆန္ဒအလျောက်ဖြစ်ပြီး လုံးဝအမည်ဖော်ပြမည်မဟုတ်ပါ၊ အဖြေများကို လျှို့ဝှက်ထားရှိမည်ဖြစ်ပြီး သင့်အမည် သို့မဟုတ် ဆက်သွယ်ရန် အချက်အလက်များနှင့် ချိတ်ဆက်ထားမည်မဟုတ်ပါ။
မေးလေ့ရှိသောမေးခွန်းများ
ဤစစ်တမ်း၏ ရည်ရွယ်ချက်က ဘာလဲ။
နယူးဇီလန် လူဝင်မှုကြီးကြပ်ရေးဌာန (INZ) နှင့် နယူးဇီလန်အစိုးရက ဒုက္ခသည်ဟောင်းများနှင့် ၎င်းတို့၏ မိသားစုများ၏ အတွေ့အကြုံများကို ပိုမိုနားလည်နိုင်စေရန်အတွက် ဤစစ်တမ်းကို ဆောက်ရွက်ခြင်းဖြစ်ပါသည်။ စစ်တမ်းအတွင်း ကောက်ယူသော အချက်အလက်များက နောင်တွင် နယူးဇီလန်သို့ ပြန်လည်အခြေချနေထိုင်သော ဒုက္ခသည်များ၏ ဘဝတိုးတက်အောင် ပြုလုပ်ရာတွင် အကူအညီဖြစ်စေပါမည်။
ဤစစ်တမ်းကို မည်သူက ကောက်ယူသနည်း။
ဤစစ်တမ်းကို နယူးဇီလန် လူဝင်မှုကြီးကြပ်ရေးဌာန (INZ) ကိုယ်စား၊ လွတ်လပ်သော သုတေသနအေဂျင်စီဖြစ်သည့် Ipsos မှ ကောက်ယူခြင်းဖြစ်ပါသည်။
ဤစစ်တမ်းတွင် မည်သူများ ပါဝင်နိုင်သနည်း။
ဤစစ်တမ်းသည် နယူးဇီလန်နိုင်ငံ၌ လွန်ခဲ့သောငါးနှစ်အတွင်း အခြေချနေထိုင်ခဲ့ကြသော အောက်ဖော်ပြပါ အမျိုးအစားများအောက်မှ ဒုက္ခသည်ဟောင်းများနှင့် ၎င်းတို့၏ မိသားစုဝင်များ (အသက် ၁၆ နှစ်နှင့်အထက်) သည် ဤစစ်တမ်းတွင် ပါဝင်နိုင်ပါသည်-
- ဒုက္ခသည် ခွဲတမ်း
- ဒုက္ခသည်မိသားစု ထောက်ပံ့ကူညီရေးအမျိုးအစား
- လူမှုအသိုင်းအဝိုင်းအဖွဲ့အစည်း ဒုက္ခသည်ထောက်ပံ့မှု
- အာဖဂန် ကယ်ဆယ်ခံရသူများနှင့် စကားပြန်များ
- ကွန်ဗေးရှင်းသဘောတူညီချက်အရ ဒုက္ခသည်များ (လွန်ခဲ့သော ငါးနှစ်အတွင်း ခွင့်ပြုထားခဲ့သော)
ရလဒ်များကို မည်သို့အသုံးပြုမည်နည်း။
စစ်တမ်းရလဒ်များကို နောင်တွင် နယူးဇီလန်သို့ ပြန်လည်အခြေချနေထိုင်သော ဒုက္ခသည်များ၏ ဘဝတိုးတက်စေရန်အတွက် အသုံးပြုပါမည်။ ယင်းတွင် ပြန်လည်နေရာချထားရေး အောင်မြင်စေရန်အတွက် အမှန်တကယ် အကျိုးရှိမည့် ဝန်ဆောင်မှုများနှင့် ထောက်ပံ့မှုများရှိအောင် သေချာဆောင်ရွက်ခြင်း ပါဝင်ပါမည်။
ကျွန်ုပ်အဖြေများကို အမည်မသိထားရှိပေးမည်လား။
ဟုတ်ပါသည်၊ သင့်အဖြေများကို လုံးဝအမည်မသိအောင်ထားရှိပြီး သင့်ကို ခြေရာခံ၍ရနိုင်မည်မဟုတ်ပါ။
ကျွန်ုပ်ဒေတာများကို မည်သို့ကာကွယ်ထားသနည်း။
လူမှုရေးဆိုင်ရာ တာဝန်ယူမှုတစ်စိတ်တစ်ပိုင်းအနေနှင့် Ipsos သည် နိုင်ငံတကာ၏ အချက်အလက်ကာကွယ်ရေးဆိုင်ရာ ဥပဒေများ၊ စည်းမျဉ်းများနှင့် စည်းကမ်းများကို လိုက်နာရန် ကတိပြုပါသည်။ ကျွန်ုပ်တို့၏ အချက်အလက် ကာကွယ်ရေး နှင့် ကိုယ်ရေးလုံခြုံမှု မူဝါဒတွင် အသေးစိတ်အချက်အလက်များကို ထပ်မံကြည့်ရှုနိုင်ပါသည်-
Privacy & Data Protection — Ipsos
စစ်တမ်းရလဒ်များကို မည်သူကကြည့်ရှုနိုင်မည်နည်း။
အဖြေများကို အုပ်စုဖွဲ့၍ ပေါင်းစပ်ရလဒ်များအဖြစ် ပြသမည်ဖြစ်ပြီး၊ ဆိုလိုသည်မှာ မေးခွန်းများအားလုံးအတွက် မည်သူတစ်ဦးတစ်ယောက်၏ အဖြေများကိုမျှ သီးခြားခွဲထုတ်၍ မရနိုင်ပါ။ စစ်တမ်းရလဒ်များကို နောင်တွင် နယူးဇီလန်သို့ ပြန်လည်အခြေချနေထိုင်သော ဒုက္ခသည်များ၏ ဘဝတိုးတက်စေရန်အတွက် မျှဝေပြီး အသုံးပြုပါမည်။
စစ်တမ်းဖြေဖို့ ဘယ်လောက်ကြာမလဲ။
စစ်တမ်းကို ဖြေဆိုရန် ၁၅ မိနစ်ခန့် ကြာမြင့်နိုင်ပါသည်။
မဖြစ်မနေ ပါဝင်ရမည်လား။
မဟုတ်ပါ။ ပါဝင်ခြင်းမှာ ဆန္ဒအလျောက်ဖြစ်ပါသည်။ စစ်တမ်းတွင် ပါဝင်ရန် ဆန္ဒမရှိပါက မပါဝင်ရန် ရွေးချယ်နိုင်ပါသည်။ သို့သော် သင်၏ ပြန်လည်နေရာချထားရေး အတွေ့အကြုံကို ရလဒ်များတွင် ထည့်သွင်းနိုင်ရန်အတွက် ပါဝင်ပေးပါက အလွန်ကျေးဇူးတင်ရှိပါမည်။
၎င်းကိုသိမ်းထားပြီး နောက်မှပြန်လည်ဖြေဆို၍ရပါသလား။
မရပါ၊ စတင်လိုက်သည်နှင့် စစ်တမ်းကို ပြီးဆုံးအောင် ဖြေဆိုရပါမည်။ အကယ်၍ သင်သည် တစ်ဝက်တစ်ပျက်နှင့် ရပ်လိုက်ပါက သင့်အဖြေများအားလုံးကို ကျွန်ုပ်တို့ ရရှိမည်မဟုတ်ပါ။ မေးခွန်းများအားလုံးကို ဖြေဆိုပြီး စစ်တမ်းတင်သွင်းပြီးသည်နှင့် သင်၏အဖြေများကို ပြောင်းလဲခြင်း သို့မဟုတ် ဖျက်ပစ်ခြင်း ပြုလုပ်နိုင်တော့မည် မဟုတ်ပါ။
စစ်တမ်းကို အခြားဘာသာစကားများဖြင့် ရနိုင်ပါသလား။
ရနိုင်ပါသည်။ စစ်တမ်းကို ဒါရီ (Dari)၊ ဖာစီ (Farsi)၊ ပါရှ်တို (Pashto)၊ အာရဘီ (Arabic)၊ မြန်မာ၊ စပိန် (Spanish)၊ ဆိုမာလီ (Somali)၊ အူရ်ဒူ (Urdu)၊ ကင်ညာရ်ဝမ်ဒါ (Kinyarwanda)၊ ဆွာဟီလီ (Swahili)၊ ပြင်သစ် (French)၊ ပန်ဂျာပီ (Punjabi)၊ တီဂရင်ညာ (Tigrinya)၊ အမ်ဟာရစ် (Amharic) နှင့် အင်္ဂလိပ်ဘာသာစကားများဖြင့် ရရှိနိုင်ပါသည်။
စစ်တမ်းအဖြေများကို မည်သူက ဘာသာပြန်မည်နည်း။
စစ်တမ်းဘာသာပြန်ခြင်းကို UK အခြေစိုက် Ipsos ၏ ကိုယ်ပိုင် ဘာသာပြန်အဖွဲ့မှ ဆောင်ရွက်ပါမည်။ ၎င်းတို့သည် ဒေသတွင်းလူမှုအသိုင်းအဝိုင်းများနှင့် ဆက်သွယ်မှုမရှိသည့်အပြင် တင်းကြပ်သော လျှို့ဝှက်ထိန်းသိမ်းရေးဆိုင်ရာ လုပ်ထုံးလုပ်နည်းများကို လိုက်နာကြပါသည်။
စစ်တမ်းဖွင့်မည့်ရက်နှင့် ပိတ်မည့်ရက်တို့မှာ အဘယ်နည်း။
စစ်တမ်းကို ၂၀၂၅ ခုနှစ်၊ စက်တင်ဘာလ ၁၀ ရက်နေ့တွင် ဖွင့်လှစ်မည်ဖြစ်ပြီး ၂၀၂၅ ခုနှစ်၊ ဒီဇင်ဘာလ ၁၀ ရက်နေ့တွင် ပိတ်ပါမည်။
မေးခွန်းလွှာ၏ စာရွက်နှင့်မိတ္တူကို ရယူနိုင်ပါသလား။
ဤစစ်တမ်းကို လက်ရှိအနေအထားတွင် အွန်လိုင်း၌သာ ရရှိနိုင်ပါသည်။ သို့သော် အွန်လိုင်းမှ ဖြေဆိုနိုင်ခြင်းမရှိသူများအတွက် အခြားနည်းလမ်းများကို အနာဂတ်တွင် စဉ်းစားသွားနိုင်ပါသည်။
စစ်တမ်းရလဒ်များကို မြင်ရမည်လား။
INZ သည် စစ်တမ်း၏ ရလဒ်များကို ပါဝင်ခဲ့သူများ အပါအဝင် လူမှုအသိုင်းအဝိုင်းများနှင့် မျှဝေပါမည်။
ဤစစ်တမ်း၏ ရလဒ်အဖြစ် မည်သည့်ပြောင်းလဲမှုများ ဖြစ်လာနိုင်သနည်း။
စစ်တမ်းမှ ရရှိသည့်ရလဒ်များသည် နေရာချထားရေးအတွက် အထောက်အပံ့ပေးရာတွင် မည်သည့်အရာများက ကောင်းမွန်စွာအလုပ်လုပ်နေကြောင်းနှင့် မည်သည့်အချက်များက ပိုမိုကောင်းမွန်အောင်ပြုလုပ်ရန် လိုအပ်ကြောင်းတို့ကို အေဂျင်စီများက ပိုမိုနားလည်နိုင်အောင် ကူညီပေးပါမည်။ အဆိုပါအချက်အလက်များကို လက်ရှိဝန်ဆောင်မှုများနှင့် အထောက်အပံ့များက ပိုမိုကောင်းမွန်သော နေရာချထားရေးရလဒ်များဆီသို့ ဦးတည်နေစေရန်နှင့် ဝန်ဆောင်မှု သို့မဟုတ် အထောက်အပံ့များတွင် တွေ့ရှိရသော ကွာဟချက်များကို ဖြည့်ဆည်းနိုင်ရန် အသုံးပြုသွားမည်ဖြစ်သည်။
မေးမြန်းလိုသည်များရှိပါက သို့မဟုတ် အကူအညီလိုအပ်ပါက မည်သူ့ကို ဆက်သွယ်ရမည်နည်း။
စစ်တမ်းနှင့်ပတ်သက်၍ မေးခွန်းများရှိပါက သို့မဟုတ် အကူအညီလိုအပ်ပါက refugeesurvey2025@mbie.govt.nz သို့ အီးမေးလ် ပေးပို့နိုင်ပါသည်
refugeesurvey2025@mbie.govt.nz
ဤစစ်တမ်းနှင့် ပက်သက်သော အသေးစိတ်အချက်အလက်များကို မည်သည့်နေရာတွင် ရရှိနိုင်မည်နည်း။
စစ်တမ်းနှင့် ပက်သက်၍ နောက်ထပ်အချက်အလက်များကို တွင်ကြည့်ရှုနိုင်ပါသည်